ट्रकको ठक्करबाट बाँके जंगलमा एक पुरुषको मृत्यु

 

सर्लाही ,साउन ३२
पूर्व–पश्चिम राजमार्ग अन्तर्गत सर्लाहीको बाँके स्थित  लच्का नजिक ट्रकको ठक्करबाट एक जना पुरुषका को मृत्यु भएको छ ।
     पश्चिमबाट पूर्वतर्फ गइरहेको ना ७ ख ७२२० नम्बरको   ट्रकको ठक्कर  सिन्धुली जिल्लाको  हरिहरपुरगढी गाउँपालिका वडा न–७, चिहानखोला टोल बस्ने  ५५ वर्षिय चन्द्रबहादुर बोम्जनको मृत्यु भएको जिल्ला प्रहरी कार्यालय सर्लाहीले जनाएको छ । बोम्जनलाई गत शुक्रवार राती करिब पौने ३ बजेको समयमा सडकमा पैदल हिंडिरहेको अवस्थामा  ट्रकले ठक्कर दिएको जिप्रका सर्लाहीका प्रवक्ता एवं डिएसपी मदन कुवँरले जानकारी दिए  । ठक्करबाट गम्भीर घाइते भएका बोम्जनलाई उपचारका लागि सदरमुकाम मलंगवा स्थित सर्लाही अस्पताल पुर्याएको र निजको सनिवार बिहान साढे ५ बजे उपचारको क्रममा मृत्यु भएको कुवँरले जनाए। मृतक बोम्जनको स्थायी घर सिन्धुली जिल्ला भएपनि हाल उनी सर्लाहीको बागमती स्थित सुकुम्वासी बस्तीमा  टहरा बनाएर बस्दै आएको जनाइएको छ  ।
    प्रहरीले दुर्घटनामा संलग्न ट्रक र त्यसका चालक बागमती नगरपालिका वडा न-११ बस्ने वर्ष २७ का दलबहादुर श्रेष्ठ लाई नियन्त्रणमा लिएर निज उपर सवारी ज्यान मुद्दामा कार्यवाही भइरहेको प्रवक्ता एवं डिएसपी कुवँरले लोकतन्त्रलाई बताएको छ ।