हरिपुरमा युवतीको शव बरामद

 

लोकतन्त्र समाचारदाता---
सर्लाही ,भदौ ७
     सर्लाहीको हरिपुर नगरपालिका वडा –६ स्थित मजुर्वामा एक युवतीको शव फेला परेको छ ।
     मजुर्वा बस्ने भुपनारायण चौधरीकी १८ वर्षीया छोरी मनिषा कुमारी चौधरीको शव आफ्नै   घर नजिक मृत अवस्थामा फेला परेकी हुन् ।इलाका प्रहरी कार्यालय हरिपुरबाट गएको प्रहरी टोली  घटनाको विषयमा अनुसंधान गरिरहेको जिल्ला प्रहरी कार्यालय सर्लाहीले जनाएको छ  ।मृतक युवतीको घाँटीमा डोरीको निल डाम रहेको  र हल्का घाँटी काटिएको जस्तो भएकोले शवको प्रकृतिलाई हेर्दा हत्या भएको हुन सक्ने आशंका गरिएको छ।
   मृतकको  शव पोष्टमार्टमका लागि जिल्ला अस्पताल, मलंगवा पठाइएको प्रहरीले जनाएको छ ।