मलंगवा नगरपालिकाले सामुदायिक विद्यालयका कर्मचारीहरुको कोरोना बिमा गर्ने

 

लोकतन्त्र समाचारदाता---
सर्लाही ,भदौ १५
     पछिल्लो समय कोरोना भाइरस समुदाय स्तरमा फैलिंदै गएपछि मलंगवा नगरपालिकाले यस पालिका अन्तर्गत संचालित सामुदायिक विद्यालयमा कार्यरत कर्मचारीहरुको नि:शुल्क कोरोना बिमा गर्ने भएको छ ।
    राष्ट्रसेवक कर्मचारीहरुको पूर्ण बिमा शुल्क अनुदानमा कोरोना बिमा हुने व्यवस्था बमोजिम मलंगवा न.पा अन्तर्गत संचालित सामुदायिक विद्यालयमा सरकारी कोषबाट तलब सुविधा खाने स्थायी शिक्षक , करार/राहत ,बालविकास तथा विद्यालय कर्मचारीहरुको प्रति ब्यक्ति एक -एक लाखको दरले नि:शुल्क कोरोना बिमा गरिने प्रमुख प्रशासकीय अधिकृत होमनाथ सुवेदीले बताउनुभयो ।
    यसका लागि नगरपालिकाले सम्बन्धित कर्मचारीहरुलाई आआफ्नो विवरण पठाउन सूचना जारी गरिसकेको छ ।