लोकतन्त्र समाचारदाता----
सर्लाही भदौ १३
सर्लाहीको ब्रम्हपुरी गाउँपालिका वडा न-४ त्रिभुवननगरबाट आज बिहान(सनिवार )लागुऔषध सहित २ जना युवकलाई प्रहरीले पक्राउ गरेको छ ।
सनिवार बिहान साढे ७ बजेको समयमा प्रहरी चौकी त्रिभुवननगरबाट प्रहरी नायव निरिक्षक दिनेश पंडितको कमान्डमा खटिएको प्रहरीको गस्ती टोलीले ब्रम्हपुरी गाउँपालिका-४ त्रिभुवननगरमा भारतको सोनवर्षा तर्फबाट बोरा भित्र राखेर साइकलमा ल्याएको लागुऔषध वालरेक्स (१०० एम.एल) १०८ बोतल बरामद गरेको छ ।लागुऔषध ल्याउने ब्यक्ति प्रहरीलाई देख्नेबित्तिकै साइकल र बोरा छाडेर भागेको जिल्ला प्रहरी कार्यालय सर्लाहीले जनाएको छ ।
लागुऔषध छाडेर भाग्ने ब्यक्तिको खोजतलास गर्दै जाने क्रममा प्रहरीले बिहान ८ बजे त्रिभुवननगरमै बोरा फालेर भाग्ने ब्यक्ति सँग हुलिया मिल्ने दुइजना ब्यक्तिहरुलाई JH01 AP 6266 नम्बरको पल्सर मोटरसाइकल सशंकित अवस्थामा आइरहेका मोटरसाइकल चालक मलंगवा नगरपालिका वडा न-१२ गम्हरिया बस्ने रामेश्वर रायको २४ वर्षिय छोरा बिरेन्द्र राय र पछाडि बसेका सोही ठाउँ बस्ने लालबाबु दासका २३ वर्षिय छोरा दिलिप दासलाई पक्राउ गरेको छ ।
पक्राउ परेका दुवैजना उपर लागुऔषध मुद्दा दर्ता गरि आवश्यक कार्यवाही सुरु गरिएको जिप्रका सर्लाहीले जानकारी दिएको छ ।
No comments:
Post a Comment