जोखिम भत्ताको माग राखेर स्वास्थ्यकर्मीहरु धर्नामा

 

सर्लाही ,भदौ १    
     जोखिम भत्ता उपलब्ध गराउन माग गर्दै सर्लाहीको हरिपुर नगरपालिका अन्तर्गतका स्वास्थ्यकर्मीहरु नगरपालिका कार्यालयमा धर्नामा बसेका छन् ।
   गत चैतमा  नगर कार्यपालिकाको  बैठकमा भएको निर्णय अनुसार जोखिम भत्ता उपलब्ध गराउनु पर्ने  माग राखेर हरिपुर नगरपालिका अन्तर्गतका  स्वास्थ्यकर्मीहरु गत शुक्रबार गतेदेखि धर्नामा बसेका हुन् । उक्त बैठकमा  कोरोना संक्रमणको समयमा स्वास्थ्यकर्मीलाई क्वारेन्टिनमा खटिँदा तलबको सतप्रतिशत र स्वास्थ्य संस्थामा खटिँदा ५० प्रतिशत प्रोत्साहन भत्ता उपलब्ध गराउने निर्णय भएको धर्नामा बसेका स्वास्थ्यकर्मीहरुले बताएका छन् । तर निर्णय भएको चार महिना बितिसक्दा पनि आफुहरुले  सेवा सुविधा नपाएपछि आन्दोलन  गर्नुपरेको उनीहरुले बताए ।
     उनीहरुले गत बिहिवार हरिपुर स्थित हात्तीसार मैदानमा पनि  थ्रोट स्वाब संकलन गर्ने समयमा सांकेतिक रुपमा विरोध जनाएका थिए ।