सर्लाहीमा कोरोना संक्रमितको संख्या एक हजारको हाराहारीमा पुग्यो

लोकतन्त्र समाचारदाता---

सर्लाही,साउन ३२ ।
    भारतसँग  सिमा जोडिएको  सर्लाहीमा कोरोना संक्रमितको संख्या दिनानुदिन बढ्दै गइरहेको अवस्था छ ।यस भन्दा अघि बाहिरबाट आएका ब्यक्तिहरुमा मात्र कोरोनाको संक्रमण देखा परेकोमा अहिले समुदाय स्तरमा संक्रमण फैलिएको अवस्था छ ।
    जिल्ला प्रशासन कार्यालय सर्लाहीका अनुसार जिल्लामा  सनिवार सम्म ९४७ जनामा कोरोना संक्रमण पुष्टि भएको छ । पुष्टि भएकाहरु सबै सदरमुकाम मलंगवा नगरपालिका  बरहथवा न.पा, हरिवन न.पा र लालबन्दी न.पा का  अस्पतालका कर्मचारी,  पालिकाका कर्मचारी, बैंक तथा बित्तीय संस्थाका कर्मचारीहरु रहेका छन् । जिल्लामा रहेका सक्रिय संक्रमितहरु मध्ये महिला ८ र पुरुष १४ गरि २२ जना संक्रमितहरुलाई मलंगवा  नगरपालिका वडा न- २ स्थित  सन्त अल्पामाई रामनारायण यादव नर्सिङ्ग कलेजमा रहेको कोरोना अस्पतालमा राखेर  उपचार भइरहेको छ भने बाँकी संक्रमितहरु आ-आफ्नै पालिकाको आइसोलेशन कक्षमा र केहिको होम क्वारेन्टाइनमा उपचार भइरहेको जिप्रका सर्लाहीले जनाएको  छ ।  ७१७ जना ब्यक्ति निको  भएर घर फर्किसकेका छन् । कोरोना भाइरस (कोभिड-१९) को संक्रमणबाट सर्लाहीमा  १ जना महिलाको मृत्यु भइसकेको छ ।
    समुदाय स्तरमा कोरोनाको संक्रमण देखिएपछि  साउन ३२ गते आइतबार राती १२ बजेसम्मका लागी सर्लाहीमा पुर्ण रुपले लकडाउन (निषेधाज्ञा ) गरिएको छ ।