कोरोना भाईरसबाट सर्लाहीमा थप एकजनाको मृत्यु

 

लोकतन्त्र समाचारदाता---
सर्लाही ,भदौ ६
     कोरोना भाइरसको संक्रमणबाट सर्लाहीमा थप एक जनाको  मृत्युभएको छ । मृत्यु हुनेमा सदरमुकाम मलंगवा नगरपालिका बस्ने एक पुरुष रहेको जिल्ला  स्वास्थ्य कार्यालय सर्लाहीले जनाएको छ ।
      पाटन अस्पतालको आईसीयूमा उपचारको क्रममा  मृत्यु भएको उक्त पुरुष सँगै जिल्लामा  कोरोनाबाट मृत्यु हुनेको संख्या ३ पुगेको छ । उनलाई ज्वरो तथा  श्वासप्रश्वासमा समस्या आए पछि उपचारको लागि ललितपुर स्थित पाटन अस्पताल पुर्याइएका थिए । त्यहीँ  परिक्षण गर्दा भदौ २ गते उनको कोरोना रिपोर्ट पोजिटिभ  आएको जिल्ला  स्वास्थ्य कार्यालय सर्लाहीका जनस्वास्थ्य निरीक्षक सुशिल झाले जानकारी दिए ।
     जनस्वास्थ्य निरिक्षक झाका अनुसार यसअघि गत साउन २३ गते सर्लाहीको हरिपूर्वा नगरपालिका वडा नं.९ बस्ने एक ४५ बर्षिय पुरुष र साउन १९ गते मलंगवाकी  ६५ वर्षीया महिलाको  कारोना भाईरस बाट मृत्यु भइसकेको छ