हरिपूर्वाका प्रमुख प्रशासकीय अधिकृतलाई पनि कोरोना संक्रमण

 

लोकतन्त्र समाचारदाता------

सर्लाही,भदौ १ ।
    पछिल्लो समय सर्लाहीमा  अग्रपक्तीमा कार्य गर्ने ब्यक्तिहरुमा कोरोना भाइरसको संक्रमण देखिन थालेको ।यसै बीच सर्लाहीको हरिपुर्वा नगरपालिकाका निमित्त प्रमुख प्रशासकीय अधिकृत सकलदेव रायमा पनि कोरोना संक्रमण पुष्टि भएको छ ।
     यसअघि सदरमुकाम मलंगवा ,लालबन्दी,हरिवन, बरहथवा नगरपालिका लगायत जिल्ला अस्पताल मलंगवा, आखाँ अस्पताल मलंगवा लगायत विभिन्न कार्यालयका कर्मचारीहरुमा कोरोना संक्रमणको पुष्टि भइसकेको छ ।
    केही दिन अघि हरिपूर्वा नगरपालिका वडा नं.३ का  वडाध्यक्ष धर्मराज सिहं माथि अज्ञात समुहद्धारा भएको कुटपिटमा सोधपुछका लागी जिल्ला प्रहरी लगिएपछि निमित प्रमुख प्रशासकिय अधिकृत  रायलाई  अनुसंधानको लागी म्याद थप गरि प्रहरी हिरासतमा राखिएकै बेला साउन २६ गते कारोना टेस्ट भएकोमा ५ दिन पछि आएको रिपोर्टमा रायलाई कोरोना भएको  हरिपूर्वा नगरपालिकाका स्वास्थ्यकर्मी लालबाबु रायले जानकारी दिए ।  कारोना पोजेटिभ आएपछि रायलाई मलंगवा वडा न-२ कृष्णा चौक स्थित  आइसोलेसनमा राखिएको थियो । शनिवार अचानक स्वास्थ्य अबस्था बिग्रपछि उनलाई थप उपचारको लागी प्रादेशिक अस्पताल जनकपुर पठाइएको मलंगवा आइसोलेसन प्रशासनले जनाएको छ ।