लोकतन्त्र समाचारदाता---
सर्लाही, भदौ ११
कोरोना भाइरसको फैलिंदो संक्रमणको रोकथाम र न्युनिकरणका लागि सम्पूर्ण जनप्रतिनिधि तथा स्वास्थ्यकर्मीहरुको साथ र सहयोग चाहिने बताउनुहुँदै सर्लाहीलाई कोरोना मुक्त बनाउन अझ सशक्त रुपमा लाग्न प्रमुख जिल्ला अधिकारी सुरेन्द्र पौडेलले जनप्रतिनिधि र स्वास्थ्यकर्मीलाई सुझाव दिनुभएको छ ।
जिल्ला विपद व्यवस्थापन समितिका अध्यक्ष एवं प्रमुख जिल्ला अधिकारी पौडेलले आआफ्नो स्थानीय तहको आइसोलेसन तथा बजार व्यवस्थापनमा सक्रियता पुर्वक लाग्न जनप्रतिनिधि तथा स्वास्थ्यकर्मीहरु सँग आग्रह गर्नुभएको छ । गत मंगलबार हरिवन नगरपालिकाले संचालन गरेको स्वाब संकलन तथा आइसोलेसन वार्डको अनुगमन तथा निरीक्षण गर्ने क्रममा उहाँले यस्तो सुझाब दिनु भएको हो ।
आइसोलेसन वार्डको झमता बिस्तार ,बजार अनुगमनमा कडाईको साथै अत्यावश्यक काम बाहेक खुल्ला रुपमा हिंडडुल गर्ने उपर कार्यवाही गर्न प्रजिअ पौडेलले पालिका प्रमुखहरुलाई निर्देशन दिनुभएको छ ।
No comments:
Post a Comment