सर्लाहीमा आज(मंगलबार )ठुलो संख्यामा कोरोना संक्रमित थपिए

 

लोकतन्त्र समाचारदाता----
सर्लाही ,भदौ ९
   सर्लाहीमा आज(मंगलबार )ठुलो संख्यामा कोरोना भाइरस संक्रमितहरु थपिएका छन् ।जिल्लाका  विभिन्न पालिकाहरुमा गरि एकैसाथ  ८४ जनामा कोरोना भाईरसको संक्रमण पुष्टि भएको जिल्ला स्वास्थ्य कार्यालय मलंगवाले जनाएको छ । आज गोडैता र बागमती नगरपालिका तथा पर्सा गाउँपालिकामा संक्रमितहरु थपिएका छन्।
    गोडैता नगरपालिकाका ४० जना, बागमती नगरपालिकाका १० जना र पर्सा गाउँपालिकाका ३४ जनामा कोरोना पोजेटिभ देखिएको छ ।
   समुदाय स्तरमा कोरोना फैलिएपछि  जिल्लाभर लकडाउन लगाइएको भएपनि स्थानीयहरुले यसको पालना गरेका छैनन् ।जसले गर्दा जिल्लामा कोरोना संक्रमितको संख्या दिनप्रतिदिन बढ्दै गएको छ ।