सर्लाहीको मलंगवा आइसोलेसनबाट १६ जना संक्रमित कोरोनालाई जितेर घर फर्के

 

लोकतन्त्र समाचारदाता-----
सर्लाही,भदौ ४
सर्लाहीको सदरमुकाम मलंगवा नगरपालिका वडा न-२ कृष्णा चौक स्थित सन्त अल्पामाई रामनारायण यादव नर्सिङ क्याम्पसको आइसोलेसनमा रहेका २४ जना  कोरोना संक्रमितहरु मध्ये १६ जना निको भएर घर फर्किएका छन् । उनीहरूलाई गत मंगलबार बेलुका निरोगिताको प्रमाणपत्रको साथमा बिदाइ गरिएको छ ।
   निको भएर घर फर्किनेहरुमा १३ जना इश्वरपुरका र ३ जना मलंगवाका विभिन्न वडाका ब्यक्तिहरु रहेको आइसोलेसन इन्चार्ज रबी साहले  जानकारी दिए । सर्लाहीमा संक्रमितको संख्या १ हजार  नाघेको छ ।