लोकतन्त्र समाचारदाता-----
रौतहट ,भदौ ७
यहीँ भदौ ३ गतेका दिन राति ९ : १५ मिनेटको समयमा नेपालको धरोहर, हिन्दू पहिचान, हाम्रो संस्कृतिको संरक्षक माधव नारायण नगरपालिका वडा नं २ खेसरहिया टोल निवासी श्री हनुमान मन्दिरको पुजारी सन्त पुज्नी बाबा श्रीराम साह ज्यूलाई अज्ञात समूहले खाना खादै गरेको क्रममा गोली हानी हत्या गरेको थियो ।
सो घटना भएको आज ४ दिन वितिसक्दा पनि हाल सम्म एउटा पनि हत्याराको पक्राउ वा जिल्ला प्रहरी कार्यालय र जिल्ला प्रशासन कार्यालय रौतहट द्वारा सार्वजनिक नभएको हुनाले यथा शिघ्र हत्याराको पहिचान गरि कानुनको दायरामा ल्याइ सन्त जस्तो व्यक्तिको हत्या भएको छ तर त्यस्ता निन्दनीय कार्य गर्नेलाई फासीको वा सो भन्दा ठूलो सजाए भएको भए अविलम्ब कार्वाही गर्न माग सहित स्व. पुज्य श्रीराम साह ज्यूलाई सहिद घोषणाको लागि हिन्दू परिषद नेपाल रौतहट जिल्ला कार्य समिति द्वारा प्रधानमन्त्रीको कार्यालयका जिल्ला प्रशासन कार्यालय रौतहटका प्रमुख जिल्ला अधिकारी इन्द्रदेव यादव ज्यू मार्फत ज्ञापनपत्र बुझाएको छ ।
प्रमुख जिल्ला अधिकारी ईन्द्रदेव यादव ज्यूलाई ज्ञापनपत्र बुझाउदै हिन्दू परिषद नेपाल रौतहटका संयोजक ओमप्रकाश साह, जिल्ला प्रवक्ता अभिमनु कुमार पटेल, गौर नगरपालिकाका नगर अध्यक्ष बिनोद उपाध्याय, देवाही गोनाही नगरपालिकाका नगर अध्यक्ष मनोज साह, यमुनामाई गाउँपालिकाका अध्यक्ष निरज साह, ईशनाथ नगरपालिकाका अध्यक्ष बिनोद यादव लगायत अन्य स्थानीय प्रमुख यो संगठनको सदस्यहरूको उपस्थिति रहेको थियो ।
No comments:
Post a Comment