लोकतन्त्र समाचारदाता---
सर्लाही, भदौ ९
सर्लाहीको इश्वरपुरमा करेन्ट लागेर एक जना पुरुषको मृत्यु भएको छ । करेन्ट लागेर ईश्वरपुर नगरपालिका वडा न-२ का ४५ वर्षिय राम ईश्वर पासवानको मृत्यु भएको हो ।
सोमबार बिहान जिल्लाको ब्रहम्पुरी गाउँपालिका वडा न-१ मा स्थानीय सुरेश साह तेलीको घरमा मजदुरी गरिरहेका पासवानको काम गर्ने क्रममा मोटरको तारमा करेन्ट लागेर मृत्यु भएको प्रहरीले जनाएको छ । साहको घर निर्माण कार्य चलिरहेकोले घर पलास्टर गर्ने क्रममा पानि लिन पासवान गएका थिए तर साहको घरमा हुकिङ्ग गरेर डाइरेक्ट विद्युत जडान भएकाले पासवानलाई मोटरको तारमा करेन्ट लागी मृत्यु भएको हुन सक्ने स्थानियहरुले अनुमान गरेका छन् ।
मृतकको शव पोष्टमार्टमका लागि जिल्ला अस्पताल,मलंगवामा राखिएको छ ।घटनको विषयमा अनुसंधान भइरहेको जिल्ला प्रहरी कार्यालय सर्लाहीले जनाएको छ ।
No comments:
Post a Comment