लोकतन्त्र समाचारदाता---
ब्रोइलर कुखुराको मूल्यमा एकाएक गिरावट आएपछि एकातिर उपभोक्ताहरु खुसी भएका छन् भने अर्कोतिर कुखुरा उत्पादक किसानहरुलाई मार परेका छन् ।
कोरोना संक्रमण नियन्त्रण गर्न भन्दै सर्लाही जिल्लाभर निषेधाज्ञा लागु भई बजारहरु बन्द हुँदा अहिले कुखुराको भाउ पहिलाको भन्दा आधाले घटेको छ ।सदरमुकाम मलंगवा एकसाता अगाडि प्रतिकिलो ४ सय रुपैयाँ भन्दा बढीमा बिक्री हँदै आएको काटेको ब्रोइलर कुखुराको भाउ अहिले घटेर प्रतिकिलो २ सय २० देखि २ सय ४० रुपैयाँमा झरेको छ । जिउँदो ब्रोइलर कुखुरा अहिले मुस्किलले १३० रुपैयाँ प्रतिकिलोमा बिक्री भइरहेको कविलासी नगरपालिका वडा न-९ सलेमपुरका कुखुरा पालक किसान ठगा साहले गुनासो गरे ।अहिलेको मूल्यमा कुखुरा बिक्री गर्दा लागत उठाउन समेत मुस्किल परेको कुखुरा पालक किसान साहले गुनासो गरे ।
महँगोमा दाना किनेर खुवाए हुर्काएको कुखुरा अहिले सस्तोमा बिक्री गर्नुपर्दा लागत उठाउन मुस्किल परेको कुखुरा पालक किसान साहले बताए ।सर्लाहीका पोल्ट्री फार्मवलाहरुले लकडाउनको समयमा उत्पादन गरेका कुखुराहरु बजार क्षेत्रमा खुलेका केही फ्रेस हाउस(मासु पसल) र ग्रामीण क्षेत्रका सानातिना बजारमा खपत भइरहेको छ ।अहिले बजारमा तरकारीको भन्दा ब्रोइलर कुखुराको भाउ कम भएको उपभोक्ताहरु बताउँछन् ।
No comments:
Post a Comment