लोकतन्त्र समाचारदाता -----
सर्लाही,भदौ ९
सोमवार सर्लाहीको दुई बेग्लाबेग्लै स्थानबाट लागुऔषध सहित दुई जना युवक पक्राउ परेका छन् ।
जिल्लाको गोडैता नगरपालिका वडा न- ४ ,रोहुवामा गडहियाबाट मलंगवा तर्फ आउँदै गरेको बा.१९ प.५३५२ नं.को मोटरसाइकलमा शिखर गुटखाको झोला भित्र लुकाएर लाँदै गरेको ९० वोतल लागुऔषध वालरेक्स सहित बसबरिया गाउँपालिका वडा न-३ बस्ने ३६ वर्षिय विकास कुमार मण्डललाई प्रहरीले नियन्त्रणमा लिएको छ।
यसैगरी जिल्लाको हरिवन नगरपालिका वडा न-५ घुर्कौली चौक स्थित भित्री सडक खण्डमा दक्षिण बाट उत्तर तर्फ आउदै गरेको बा.६२ प .४६४१ न.को मोटरसाइकलमा लुकाई छिपाई लाँदै गरेको लागुऔषध डाइलेक्स डिसि १०१ बोतल,वालरेक्स १९८ बोतल,नाईटट्रोभेट ९०० पिस,स्पास्मो २०० पिस सहित हरिवन न.पा वडा न-६ बस्ने २१ वर्षिय नबरत्न कुशवाहालाई नियन्त्रणमा लिइएको जिल्ला प्रहरी कार्यालय, सर्लाहीले जनाएको छ ।
No comments:
Post a Comment