सर्लाहीमा तेस्रो पटक भदौ १४ गतेसम्म लकडाउन बढाइयो

 

सर्लाही ,भदौ ७ गते
   सर्लाहीमा  जारी निषेधाज्ञा भदौ १४ गतेसम्मको लागि बढाइएको छ । आइतबार (आज)दिउँसो बसेको  DCCMC को  बठैकले निषेधाज्ञाको समयावधि   बढाएको प्रमुख जिल्ला अधिकारी सुरेन्द्र पौडेलले जानकारी दिनुभएको छ।
    यसअघि भदौ ७ गतेसम्मका लागि निषेधाज्ञा जारी गर्ने निर्णय गरिएको थियो । तर कोरोना संक्रमण समुदाय स्तरमा फैलिसकेको र  फैलिने क्रम नरोकिएकाले सोको रोकथाम तथा नियन्त्रणलाई थप प्रभावकारी बनाउन राजनैतिक दलका प्रतिनिधि र सरोकारवाला सम्मलित भइ DCCMC को बैठकको सिफारिस बमोजिम  नेपाल सरकार  मन्त्रीपरिषदको मिति २०७७ भदौ १ को निर्णय संक्रामक रोग ऐन २०२० को दफा २ तथा  स्थानीय प्रशासन ऐन २०२८ को दफा ६ को ३ बमोजिम २०७७ भदौ ७ गते राति १२ बजेदेखि भदौ १४ गते राति १२ बजे रातिसम्म जिल्ला भरि लागू हुनेगरी ७ दिनका लागि  निषेधाज्ञा लगाउने निर्णय भएको प्रजिअ पौडेलले  बताए ।
    यस पटकको निषेधाज्ञामा कुनैपनि किसिमको मेला,महोत्सव ,जात्रा संचालन गर्न,मानिसहरु भेला र जम्मा हुन,भिडभाड गर्न तथा सभा र जुलुस गर्न निषेध गरिएको छ ।