लोकतन्त्र समाचारदाता ----
सर्लाही ,भदौ २
प्रहरीले सोमबार राति सर्लाहीको विभिन्न स्थानबाट एकलाख रुपैयाँ बराबरको अवैध सामान बरामद गरेको छ।
नेपाल भारत सीमावर्ती विष्णु गाउँपालिका स्थित मधुवनगोठबाट तेस्रो मुलुकबाट आएको २० हजार मूल्य बराबरको १४ बोरा केराउ भारत तर्फ लाँदै गरेको अवस्थामा प्रहरीले बरामद गरेको छ । यस्तै ईश्वरपुर नगरपालिका वडा न-६, नगरपालिका चौकबाट भन्सार छलेर भारतबाट ल्याएको ४० हजार रुपैयाँ बराबरको दुई बोरा खैनी बरामद भएको प्रहरीले जनाएको छ ।
यसैगरी ब्रम्हपुरी गाउँपालिका वडा न-४ बाट पनि २५ हजार बराबरको टि–सर्ट र साडी बरामद भएको प्रहरीले जानकारी दिएको छ । प्रहरीले चन्द्रनगर गाउँपालिका मोहनपुरबाट पानीपुरीमा प्रयोग हुने १२ हजार रुपैयाँ बराबरको अवैध सामान बरामद गरेको छ ।
बरामद भएका सबै सामान मंगलबार आवश्यक कारवाहीको लागि मलंगवा स्थित जिल्ला भन्सार कार्यालयमा बुझाएको जिल्ला प्रहरी कार्यालय सर्लाहीका प्रहरी प्रवक्ता एवं डिएसपी मदन कुवँरले जनाएको छ ।
No comments:
Post a Comment