सर्लाहीको हरिपुर नगरपालिका तथा कौडेना र विष्णु गाउँपालिकामा मंगलबार १०१ जना कोरोना संक्रमित थपियो

 

लोकतन्त्र समाचारदाता---

सर्लाही ,भदौ २

    सर्लाहीमा मंगलबार १०१ जना कोरोना भाइरस संक्रमित थपिएको छ ।जिल्लाको हरिपुर नगरपालिका तथा  कौडेना र विष्णु गाउँपालिकामा गरि १०१ जनामा कोरोना भाईरसको संक्रमण पुष्टी भएको जिल्ला स्वास्थ्य  कार्यालय सर्लाहीले जनाएको  छ ।

   मंगलवार आएको रिपोर्ट अनुसार हरिपुर नगरपालिकामा ३१ जना, काैडेना गाउँपालिकामा ५८ जना र  विष्णुुुु गाउँपालिकामा १२ जना ब्यक्तिमा कोरोना पाेजेटिभ देखिएकाे जि.स्वा.का सर्लाहीले जनाएको छ । कार्यालयले दिएको जानकारी अनुसार हरिपुर न.पा मा जोखिम भत्ताको माग गरेर धर्नामा बसिरहेका ३ जना स्वास्थ्यकर्मीहरुमा काैडेना गापामा वडाध्यक्षमा र  विष्णु गापामा ५ जना स्वास्थ्यकर्मीहरुमा पनि काेराेना संक्रमण देखिएकाे छ ।जिल्ला स्वास्थ्य कार्यालय मंलगवाका अनुसार परिक्षणको लागि थ्रोट स्वाब संकलन गरि पठाएका  विभिन्न पालिकाहरुको  रिपोर्ट आउने क्रम जारी रहेको छ ।