मनोज यादव-----
सर्लाही ,भदौ १४
कोरोना भाइरसका कारण सर्लाही जिल्ला समेत जोखिम र गम्भीर अवस्थामा पुगेको भन्दै नियन्त्रणका उपायहरु लाइ प्रभावकारी रुपमा कार्यान्वयन गराउन र जिल्लामै कोरोना परिक्षण गर्न एउटा पिसिआर मेसिनको खरिद गर्न नेपाली काँग्रेसका नेता एवं संघीय सांसद नागेन्द्र रायले चारवटै निर्वाचन क्षेत्रका माननीय सांसदहरूलाई सुझाव दिनुभएको छ ।
जिल्लामा कोरोना भाईरसको संक्रमण तथा संक्रमितहरु बढीरहेको अवस्थामा केन्द्रिय सरकार , प्रदेश सरकार र स्थानीय सरकारले टेस्टिङ मेसिन, पिसिआर किट, व्यक्तिगत सुरक्षा सामग्री ,क्वारेनटिन, आइसोलेसन, भेन्टिलटर जस्ता अति आवश्यक सामग्रीहरूको व्यवस्थापन गर्न नसेकेको गुनासो बढेको उल्लेख गर्दै अहिलेको अवस्थामा विकासको काम भन्दा मतदाता हरूको ज्यान जोगाउन जरूरी भएकोले यस जिल्लाको लागी एकथान पिसिआर मेसिन चारवटै निर्वाचन क्षेत्रका सांसदहरु मिलेर खरिद गर्न सांसद रायले सुझाव दिनुभयो । प्रदेश २ को सर्लाही जिल्लामा संक्रमण तीव्र गतिमा फैलिरहेकोले जिल्लामा नै पिसिआर परिक्षण मेशिन उपलव्ध गराउन नेपाली काग्रेसका नेता एवं सांसद रायले माग राखेका छन । घरघरमा कोरोनाको टेस्ट गर्न आवश्यकता रहेकोे उनको भनाइ छ ।
यस्तै विभिन्न सामाजीक संजालहरु मार्फत युवा, विद्यार्थी लगायत बिभिन्न पेशा व्यवसायमा लागेकाहरुले पनि सर्लाहीमै कोराना परिक्षण गर्ने पिसिआर मेसिन ल्याउन संघिय , प्रदेश तथा स्थानिय तह सँग आग्रह गरेका छन ।समुदाय स्तमा नै कोरानो देखा परेका ले परिक्षणको दायरा बढाउन समेत माग गरीएको छ ।
चार वटै निर्वाचन क्षेत्र र २० वटै स्थानिय तहले बजेट व्यवस्थापन गरेर भएपनि पिसिआर मेसिन ल्याउन सर्लाही बासीले माग गरेका छन ।
No comments:
Post a Comment