रुना धामी --------
सर्लाही ,असोज
सर्लाहीको दुई छुट्टाछुट्टै दुर्घटनामा बिहिवार एकजना बालक सहित दुइजनाको मृत्यु भएको छ ।
जिल्लाको गोडैता नगरपालिका वडा न-३ सिमरा भगवतीपुर स्थित गाउँको एक सार्वजनिक पोखरीमा नुहाउन भनी गएका स्थानीय प्रदिप साहका ७ वर्षिय छोरा रमेश कुमार साहको डुबेर मृत्यु भएको प्रहरीले जनाएको छ ।
त्यस्तै सोही दिन सर्लाहीको ईश्वरपुर नगरपालिका वडा न- ५ सखुवानीमा मोटरसाइकल दुर्घटना हुँदा चालकको मृत्यु भएको छ । बिहान सखुवनीबाट बयलवासतर्फ आइरहेको ना ५ प ३६९१ नम्वरको मोटरसाइकल आफै अनियन्त्रित भएर पल्टिँदा चालक सोही ठाउँका ६५ वर्षीय पुरुषोत्तम प्रसाद कोइरालाको मृत्यु भएको जिल्ला प्रहरी कार्यालय सर्लाहीका प्रहरी प्रवक्ता एवं डिएसपी मदन कुवँरले जनाएको छ ।मोटरसाइकल दुर्घटना भइ गम्भीर घाइते भएका कोइरालाको उपचारको लागि धलिखेल अस्पताल पुर्याउँदा चिकित्सकले मृत घोषणा गरेको प्रहरी प्रवक्ता कुवँरले जानकारी दिए ।
No comments:
Post a Comment