लोकतन्त्र समाचारदाता-----
सर्लाही ,असोज २२
धान बालीमा बाला सुक्ने रोग देखा परेपछि सर्लाही जिल्लाभरका किसानहरु चिन्तित बनेका छन् ।
आकाशे पानीको भरमा खेती गर्दै आएका किसानलाई यस वर्ष वर्षाले राम्रो साथ दिएर सप्रिसकेकोको धान बालीमा काट्ने समयमा आएर बाला सुक्ने रोग देखिएको स्थानीय किसानले गुनासो गरे । मुख्य बालीमा प्रकोप देखिएपछि जिल्लाका किसान मर्कामा परेका छन् । हरिपुर नगरपालिका वडा न-७ पंछगछियाका किसान जय किशोर धामीले आफूहरुको क्षेत्रमा पनि धानको बाला सुक्ने रोग व्यापक मात्रामा देखिएको जानकारी दिए । कोरोना संक्रमणको त्रासकै बीचमा रोपिएको धान बालीमा लकडाउनका कारण बेलैमा रसायनिक मल हाल्न नपाएपछि यस्तो रोगले बाली सुकेको धामीले बताए ।
मुख्य बालीमै रोगको प्रकोप देखिएपछि पनि सम्बन्धित स्थानीय तहहरुले कुनै चासो नदिएको पिडित किसानहरुले भने । भने चासो दिएका छैनन् । गवारो कीराले गर्दा धानको बाला सुक्ने समस्या देखिएको कृषि विज्ञले जानकारी दिए।जिल्ला कृषि ज्ञान केन्द्र मलंगवाका निमत्त प्रमुख देवानन्द यादवले वर्षाले साथ दिँदा यो वर्ष धान खेती बढेको र बाली समेत राम्रोसँग सप्रिएको भएपनि अन्तिम समयमा आएर बाला नै मर्ने रोग देखापरेपछि उत्पादनमा गिरावट आउने देखिएको बताए ।
अहिले जिल्लाभर नै धानको बाला सुक्ने रोग देखा परेकोले तत्कालै आ–आफ्नो पालिकाको कृषि विकास शाखामा सम्पर्क गरी औषधि प्रयोग गर्न कार्यालयले किसानहरु सँग आग्रह गरेको छ । सर्लाहीमा झण्डै ४६ हजार हेक्टर जग्गामा बर्षे धान खेती हुने गरेको छ ।
No comments:
Post a Comment