सर्लाही ,असोज २१
सर्लाहीमा थप दुईजना ब्यक्तिको कोरोना भाइरसको संक्रमणबाट मृत्यु भएको छ ।
चितवनको भरतपुरमा उपचार गराउँदै गरेको लालबन्दी नगरपालिका वडा न-८ का ४२ वर्षिय पुरुष र काठमाण्डौंमा उपचार गराउँदै गरेको हरिपूर्वा नगरपालिका वडा न-५ का ६५ वर्षिय पुरुषको कोरोना लागेर मृत्युु भएको सम्बन्धित पालिकाले जनाएको छ । लालबन्दीका मृतक पहिले देखिनै कलेजो सम्बन्धि रोगको बिरामी रहेको थियो भने हरिपुर्वाका मृतक मुटुको पुरानो बिरामी भएको बुझिएको स्वास्थ्य कार्यालय मलंगवाका प्रमुख सुशील कुमार झाले बताए ।
यो सगै सर्लाहीमा कोरोना संक्रमणबाट मृत्यु हुनेको संख्या ९ पुगेको छ । मलंगवा, हरिपूर्वा र लालबन्दीमा दुई-दुई, हरिपुर, चक्रघट्टा र बरहथवामा एक–एक जनाको मृत्यु भएको स्वास्थ्य कार्यालय मलंगवाले जानकारी दिएको छ ।
No comments:
Post a Comment