Video सहित......📹️📺️
मनोज यादव-----
सर्लाही ,असोज १५
सदरमुकाम मलंगवा स्थित जिल्ला प्रशासन कार्यालय सर्लाहीमा नेपाली नगरिकताको प्रमाणपत्र लिन विद्यार्थीहरुको भिड लागेको छ । उच्च शिक्षाका लागि नेपाली नागरिकताक प्रमाणपत्र अनिवार्य भएकोले भर्खरै एस.ई.ई पास भएर बसेका जिल्लाभरका हजारौं विद्यार्थीहरुको जिल्ला प्रशासन कार्यालयमा भिड लागेको हो ।
समुदाय स्तरमा कोरोना भाइरसको संक्रमण फैलिन थालेपछि बन्द गरिएका बढी भिडभाड हुने जिल्ला प्रशासन लगायतका कार्यालयहरुमा लकडाउन खुकुलो भएर संचालनमा आएपछि गएको सातादेखि ठूलो भिड लाग्न थालेको छ ।जिल्लाका विभिन्न स्थानबाट नागरिकता बनाउन आएका विद्यार्थीहरु कोरोना भाइरसको उच्च जोखिमका बाबजुद कार्यालयको गेट अगाडी बिहान ७ बजेदेखि नै लाइनमा बस्न बाध्य छन् । लाइनमा लागेका कतिपय विद्यार्थीहरु तीन चार दिनदेखि आफ्नो पालो कुरेर बसेको तर अहिले सम्म गेट भित्र छिर्न नपाएको गुनासो गरेका छन् ।
सयौंकाे संख्यामा लाइनमा लागेका विद्यार्थीहरुले सामाजिक दुरीको पालना गरेका छैनन् भने अधिकांश बिद्यार्थीहरूले माक्स समेत लगाएका छैनन् । विद्यार्थीहरूकाे संख्या अत्यधिक रहेकाेले सुरक्षाकर्मीहरूलाई भिड ब्यबस्थापन गर्न हाम्मे हम्मे पर्ने गरेको छ । काेराेना नियन्त्रणका लागि सरकारद्वारा जारी गरिएकाे समाजिक दुरी र अनिवार्य रुपमा माक्स लगाउनुपर्ने नियमको प्रशासन कार्यालयकै अगाडी उलंघन भइरहेको देख्दा प्रशासनको काम गर्ने शैली प्रति प्रश्नचिन्ह लागेको छ ।
No comments:
Post a Comment