लोकतन्त्र समाचारदाता----
सर्लाही ,असोज २२
सर्लाहीको बरहथवा नगरपालिकामा बुधबार मोटरसाइकल दुर्घटना हुँदा दुई जना घाइते भएका छन् ।
बरहथवा नगरपालिका वडा न-७ दूध डेरी स्थित बरहथवाबाट हिरापुर तर्फ जाँदै गरेको ना ५३ प ९८८५ नम्बरको मोटरसाइकलले सोही दिशातर्फ जाँदै गरेको बा ४५ प ४४८८ नम्बरको मोटरसाइकललाई पछाडिबाट ठक्कर दिंदा दुबै मोटरसाइकलका चालक घाइते भएका छन् ।
घाइते हुनेहरुमा ना ५३ प ९८८५ नम्बरको मोटरसाइकलका चालक सोही न.पा को वडा न-५ बस्ने वर्ष१८ को नरेश यादव र बा ४५ प ४४८८ नम्बरको मोटरसाइकलका चालक रौतहट जिल्ला गढीमाई नगरपालिका वडा न ६ बस्ने अन्दाजी मुनीलाल पंडित रहेको जिल्ला प्रहरी कार्यालय सर्लाहीका प्रहरी प्रवक्ता एवं डिएसपी मदन कुवँरले जनाएको छ ।
उनीहरुको उपचार गोल्डेन अस्पताल बरहथवामा भइरहेको प्रवक्ता कुवँरले जानकारी दिएको छ ।
No comments:
Post a Comment