भाँडसरमा क्रिकेट टुर्नामेन्ट सुरू

लोकतन्त्र समाचारदाता----

सर्लाही ,फाल्गुन १० 

      जिल्लाको सदरमुकाम मलंगवा नगरपालिका-५ भाँडसरमा टि-ट्वाइन्टी क्रिकेट  प्रतियोगिता सुरु भएको छ।

     मिकरानी क्रिकेट टुर्नामेन्टले आयोजना गरेको सो प्रतियोगिताको प्रतिनिधिसभाका निवर्तमान सांसद प्रमोद साहले उद्घाटन गर्नुभएको छ । १० दिन सम्म चल्ने उक्त टुर्नामेन्टको प्रमुख अतिथि समेत  रहनु भएका साहले ब्याटिङ गरेर प्रतियोगिताको उद्घाटन गर्नुभएको थियो । 

    क्लवका अध्यक्ष  मो .इर्साद मिकरानीको अध्यक्षतामा सम्पन्न भएको उद्घाटन कार्यक्रममा खेलाडीहरु, लगायत जसपाका स्थानीय नेता मो. मेराज मिकरानी, मो.जुल्फुकार मिकरानी,  राम नगिना यादव,  राम प्रवेश साह,  श्रवण कुमार साह, सोनेलाल यादव, नेकपाको नेता मो.चाँद मिकरानी, शस्त्रप्रहरी बल भाडसरका इन्चार्ज  रविण खडका, नेपाल प्रहरी इन्चार्ज तथा ठुलो संख्यामा  खेलप्रेमी स्थानीयबासीहरुको  उपस्थिति रहेको थियो  ।

    क्लबले उक्त टुर्नामेन्ट प्रत्येक वर्ष आयोजना गर्ने गरेको अध्यक्ष मिकरानीले बताए ।