लोकमार्गमा दुईवटा मोटरसाइकल एकआपसमा ठोक्कियो / चालकद्वय घाईते

 

लोकतन्त्र समाचारदाता----

सर्लाही ,फाल्गुन १२

     सर्लाहीको लालबन्दी  नगरपालिका वडा न-९ मा मंगलबार राति दुईवटा मोटरसाइकल एकआपसमा ठोक्किँदा दुवै मोटरसाइकलका चालक घाइते भएका छन् ।

    पुर्व पश्चिम लोकमार्ग अन्तर्गत लालबन्दी  नपा-९ क्याम्पस चौक अगाडि पुर्वबाट पश्चिमतर्फ जाँदै गरेको ग १० प ९६१९  नम्बरको मोटरसाइकल र सोही दिशातर्फ जाँदै गरेको प्र न.२-०३-०१०प ६७९१ नम्बरको मोटरसाईकल एकआपसमा ठोक्किएर दुर्घटना भएको हो ।उक्त दुर्घटनामा परि  प्र न.२-०३-०१०प ६७९१ नम्बरको मोटरसाईकल  चालक लालबन्दी नगरपालिका वडा न–९ बस्ने ३४ वर्षिय रुपेश चौधरी र  ग १० प ९६१९  नम्बरको मोटरसाइकलका चालक हरिपुर नगरपालिका वडा न-१ बस्ने २३ वर्षीय बिजय मगर घाइते भएको जिल्ला प्रहरी कार्यालय सर्लाहीले जनाएको छ ।

    इलाका प्रहरी कार्यालय लालबन्दीबाट खटि गएको  टोली   दुर्घटनामा घाइते दुवैजनालाई उपचारको लागि टेक्सास अस्पतालमा पुर्याइ दुवै सवारीसाधन नियन्त्रणमा लिएका छन् । घाइते मध्ये चौधरीलाई थप उपचारको लागि काठमाडौं लगिएको प्रहरीले जनाएको छ ।