मलंगवाको खुल्ला नालामा डुबेर बालकको मृत्यु
मलंगवाको खुल्ला नालामा डुबेर बालकको मृत्यु
लोकतन्त्र समाचारदाता----
सर्लाही ,माघ २६
सर्लाही सदरमुकाम मलंगवामा नालामा डुबेर एक बालकको मृत्यु भएको छ ।
मलंगवा नगरपालिका वडा न-१० स्थित नारायण धर्मशालाको अगाडी सडक छेउको नालामा डुबेर लालबन्दी नपा बस्तिपुर घर भइ हाल मलंगवा नपा -१० मा होटल संचालन गर्दै आएका प्रमोद अधिकारीको १४ महिने छोरा राज अधिकारीको मृत्यु भएको हो ।शुक्रवार साँझ ६ बजेको समयमा खेल्ने क्रममा नालामा डुबेर घाइते भएको बालकको स्तुति सौम्या हेल्थ केयर मलंगवामा प्राथमिक उपचार गरि थप उपचारको लागि काठमाडौ लगेको र त्यही उनको उपचारको क्रममा मृत्यु भएको काका प्रकाश अधिकारीले जानकारी दिए ।
सडक निर्माणका क्रममा बनाइएका नालाहरु नछोपेर त्यसै छाडिएका कारण त्यस्मा जमेको पानीमा डुबेर मलंगवामा कयौं स–साना बालबालिकाको मृत्यु भइसकेको छ । तर पनि खुल्ला छाडिएका नालहरु छोप्ने तर्फ नगरपालिकाको ध्यान नगएको कारण स-साना बालबालिकादेखि व्यस्क मानिसहरुको अकालमै ज्यान गइरहेको छ ।
यसतर्फ नगरपालिकाको अविलम्ब ध्यान जानु पर्ने नागरिक समाज सर्लाहीका महासचिव शिवशंकर चौधरीले बताए ।
No comments:
Post a Comment