संसद पुनर्स्थापना गर्ने सर्बोच्चको फैसला स्वागतयोग्य :प्रदेश मामिला समिति सभापति अशाेक यादव

  

मनोज यादव----

सर्लाही ,फाल्गुन १२

      संसद पुनःस्थापना गर्ने सर्वोच्चको फैसला स्वागतयोग्य भएको बताउँदै अदालतले संविधानको रक्षा गरेको प्रदेश न-२ का सांसद तथा प्रदेश मामिलाका सभापति अशोक यादवले बताएका छन् । ऐतिहासिक फैसलाले संविधानको पक्षमा दृढतापूर्वक आफूलाई उभ्याउदै न्यायालयप्रतिको जनविश्वासलाई सर्वोच्चले थप उच्च बनाएको उहाँले बताउनुभएको छ ।

    सम्पूर्ण नेपाली जनतालाई बधाई दिंदै उहाँले  संविधान विरुद्ध षडयन्त्र र सेटिङको शासन गर्ने प्रधानमन्त्रीको दुस्साहसलाई खारेज गर्दै सर्वोच्च अदालतले संविधानको रक्षा गरेको बताउनुभएको  छ । 

    उहाँले सामाजिक संजाल  फेसबुक मार्फत ‘अदालतले विना भय र दवाव, विवेकसम्मत रुपमा संविधानको पक्षमा दृढतापूर्वक आफूलाई उभ्याउदै न्यायालयप्रतिको जनविश्वासलाई थप उच्च बनाएको छ।’उल्लेख गर्नुभएको छ ।