सर्लाहीको पश्चिमी क्षेत्रमा बालबिवाह बिरुद्ध सडक नाटक सम्पन्न

 

लोकतन्त्र समाचारदाता----

सर्लाही ,फाल्गुन १३

 सर्लाहीको सर्लाहीको पश्चिम क्षेत्र अन्तर्गतकाब विभिन्न स्थानमा बालबिवाह बिरुद्ध  जनचेतनामूलक सडक नाटक सम्पन्न भएको छ ।

        सभे द चिल्ड्रेनको आर्थिक सहयोग तथा राष्ट्रिय रोजगार प्रवर्दन केन्द्र मलंगवाको आयोजनामा गोडैता नगरपालिकामा संचालित समुन्नती कार्यक्रम अन्तर्गत समाजमा विधमान बालविवाह तथा  दाइजो  सम्बन्धि कुप्रथा र त्यसबाट समाजमा परिरहेको असरको बारेमा अभिनयको माध्यमबाट  जानकारी गराउने उदेश्यले आयोजना गरिएको जनचेतनामूलक सडक नाटक गोडैता नपाको वडा १ बहादुरपुर, २ बेलवा, ३ सिमरा भगवतीपुरको मठ टोल, ४ रोहुवाको मुसलिम टोल, ५ रामबनको मुसलिम टोल, ६ बगदह, ७ पासवान टोल, ८ मुसलिम टोल, ९ बकैनिया, १० सिसौटियाको पासवान टोल, ११ मधोपुर र १२ मधुबनीमा मञ्चन गरिएको आयोजक संस्थाले जनाएको  छ ।

    समाजमा भईरहेको बालबिवाहबाट उत्पन्न हुने बिभिन्न स्वास्थ्य ,शिक्षा तथा सामाजिक समस्या र त्यसको निराकरणको बारेमा नाटक मार्फत संदेश दिन खोजिएको थियो ।