आफैले चलाएको ट्याक्टरको स्टेरिङमा च्यापिएर सर्लाहीमा एकजना चालकको मृत्यु

मनोज यादव---

सर्लाही ,फाल्गुन ११

    सर्लाहीको बलरामा ट्याक्टरको  स्टेरिङमा च्यापिएर आज(मंगलबार)एकजना ट्याक्टर चालकको मृत्यु भएको छ ।मृत्यु हुनेमा रौतहटको गढीमाई नगरपालिका वडा न- ८ बिनगराटोल बस्ने वर्ष १८ का अवधेश पटेल रहेका छन् ।

     चालक पटेलको आज बिहान साढे ८ बजे बलरा नगरपालिका-५ फुलबरिया स्थित बैजुनाथ सुगर मिलको धर्म काँटामा आफैले चलाएको ना २ त ६९३४ नम्बरको ट्याक्टरको स्टेरिङमा च्यापिएर घटना स्थलमै मृत्यु भएको   प्रहरीले जनाएको छ ।

   शवलाई परीक्षणका लागि जिल्ला अस्पताल मलंगवामा राखिएको  सर्लाही प्रहरीका  प्रवक्ता एवं डिएसपी मदन कुँवरले जानकारी दिएको छ ।