सर्लाहीबाट प्रजिअ सुरेन्द्र पौडेल जाँदै चितवनबाट नारायण प्रसाद भट्टराई आउँदै

 

लोकतन्त्र समाचारदाता -----

सर्लाही ,फाल्गुन १५

     सर्लाहीको प्रमुख जिल्ला अधिकारी(सिडयो)सुरेन्द्र पौडेलको सरुवा भएको छ । उहाँको ठाउँमा चितवनबाट  नारायण प्रसाद भट्टराई आउने भएको जिल्ला प्रशासन कार्यालय सर्लाहीले जनाएको छ ।

      सात महिना  सर्लाही जिल्लाको बागडोर सम्हाल्नु भएका प्रजिअ पौडेललाई गृह मन्त्रालयले  बारा जिल्लाको सिडयोको रुपमा  सरुवा गरेको छ । गृह मन्त्रालयले शुक्रवार सर्लाही सहित ३६ जिल्लाका सिडियोहरुको एकैसाथ सरुवा गरेका छन् ।सोही क्रममा सरुवा गरिएका पौडेल आजै (शनिबार)  काठमाडौं जाने र केही दिनपछि बारा जिल्ला फर्किएर काम सुरु गर्ने जिप्रका श्रोतले  बताएको छ ।

     नयाँ सीडीओ भट्टराई आउन केही दिन समय लाग्ने भएकोले उहाँको अनुपस्थितीमा भर्खरै सहायक सिडियो भएर आउनु भएका भमिश्वर पोखेरेले जिप्रकाको बागडोर सम्हाल्ने  स्रोतले जनाएको छ