देवी सरस्वतीको प्रतिमा विसर्जन गरि सरस्वती पुजा सम्पन्न
लोकतन्त्र समाचारदाता---
सर्लाही ,फाल्गुन ५
विद्याकी देवी माता सरस्वतीको प्रतिमाको विसर्जन गरि बुधबार यसवर्षको सरस्वती पुजा हर्षोल्लासका साथ सम्पन्न भएको छ ।
स्कुल ,कलेज,तालिम केन्द्र लगायतमा देवी सरस्वतीको मुर्ति स्थापना गरि मनाइएको पुजाको बुधवार बिहान पुरै भक्तिभावका साथ पुजा अर्चना र आरती गरि देवीको प्रतिमा विभिन्न सवारीसाधनमा बोकेर बाजा गाजाका साथ जुलुस निकालेर नगर तथा गाउँको विभिन्न भागको परिक्रमा गर्दै नजिकको जलाशयमा पुर्याएर विद्यार्थीहरु भावपूर्ण तरिकाले विसर्जन गरेका छन ।
देवीको प्रतिमा विसर्जन गरिसके पश्चात् विसर्जन जुलुसमा सहभागी शिक्षक ,विद्यार्थी लगायत स्थानीय युवा युवती ,महिला,पुरुष तथा ठूलावडाहरु एक अर्कालाई अवीर र टीका लगाएर पुजाको बधाइ दिएका थिए ।
विसर्जन जुलुसमा कुनैपनि अप्रिय घटना दुर्घटना हुन नदिन सुरक्षाकर्मीहरुको टोलीले विशेष रुपमा सक्रियता देखाएका थिए ।
मुर्ति विसर्जन स्थल (जलाशय) देवी सरस्वतीको जयघोषको नाराले गुन्जयमान भएका थिए ।
No comments:
Post a Comment