सर्लाहीमा सहायक सिडियोको रुपमा भुमिश्वर पोखरेल आए

लोकतन्त्र समाचारदाता---

सर्लाही ,फाल्गुन १२

      दुइवर्ष अघिदेखि सहायक प्रमुख जिल्ला अधिकारी विहिन रहेको जिप्रकामा नयाँ सहायक सिडियोको रुपमा भमिश्वर पोखेरेल आउनुभएको छ । 

      झण्डै अढाइ वर्षदेखि खाली रहेको उक्त स्थानमा गृह मन्त्रालयले उप–सचिव पोखरेललाई  सहायक सीडीओको रुपमा पठाएको जिल्ला प्रशासन कार्यालयले जनाएको छ ।

    पोखरेल आउनु अघि कार्यालयको सम्पूर्ण कामको भार प्रमुख जिल्ला अधिकारीमाथि पर्दै आएका कारण सेवाग्राहीको काममा केही ढिलाइ हुँदै आएको थियो ।साथै प्रजिअ बिदामा बसेको  बेला जिल्लाको सुरक्षा नेतृत्व प्रशासकीय अधिकृतको भरमा रहने गरेको थियो । 

     सहायक सिडियो हाजिर भएपछि प्रजिअलाई ५० प्रतिसत भार कम भएको छ ।सेवाग्राहीको काम अब छिटोछरितो हुने जिप्रका श्रोतले बताएको छ ।