पत्रकार क्षितिज बिश्वकर्माको अध्यक्षतामा १७ सदस्यीय समाजवादी प्रेस संगठन नेपाल गठन
लोकतन्त्र समाचारदाता---
सर्लाही,फाल्गुन ४
नेपाल कम्युनिष्ट पार्टी (एकीकृत समाजवादी) निकट समाजबादी प्रेस संगठन नेपालको सर्लाही भेलाले पत्रकार क्षितिज बिश्वकर्माको अध्यक्षतामा १७ सदस्यीय जिल्ला कमिटी गठन गरेको छ ।
पार्टी केन्द्रिय सदस्य तथा प्रदेश सभा सांसद बेची लुंगेलीको प्रमुख आतिथ्यतामा उद्योग वाणिज्य संघ लालबन्दीको सभाहलमा भएको भेलाले पत्रकार बिश्वकर्माको अध्यक्षतामा समाजवादी प्रेस संगठन नेपाल गठन गरेको हो ।
नवगठित १७ सदस्यीय कार्यसमितीको वरिष्ठ उपाध्यक्षमा रिना आले, उपाध्यक्षमा अनिता साह, सचिबमा बिप्लब पोखरेल, कोषाध्यक्षमा लक्ष्मी गुरुङ, सह–सचिबद्वयमा कौसिला दर्नाल एवं रञ्जना राई सहित अन्य सदस्यहरु चयन भएका छन ।
त्यस्तै सोही भेलाले कश्यप बरालको संयोजकत्वमा राघब शर्मा, मुकुन्द ढुङ्गेल, ढुण्डी राज पोखरेल र प्रेम राज दाहाल रहेको सल्लाहकार समिती समेत चयन गरेको छ ।
भेलामा सह–सचिव नवराज मिश्र, पार्टीका सर्लाही जिल्ला प्रचार बिभाग प्रमुख चुडामणि वाग्ले लगाएतको उपस्थिति रहेको थियो ।
No comments:
Post a Comment