लालबन्दीका एक दम्पतीले छोराको जन्मदिनको उपलक्ष्यमा ५० जना बिद्यार्थीहरुलाई स्कुल ब्याग बाँडे

 

रितिक अधिकारी---

सर्लाही,फाल्गुन १२

      लायन्स क्लव अफ लालबन्दी सिटिले सर्लाहीको  ईश्वरपुर नगरपालिका वडा न-१२ घारीबथान स्थित रहेको एक विद्यालयमा अध्यनरत ५० जना बिद्यार्थीहरुलाई स्कुल ब्याग बितरण गरेको छ ।

    बैदेशिक रोजगारिको शिलशिलामा जापानमा बस्दै आएका लालबन्दीका गौरव दाहाल र शान्ति दाहालले

आफ्नो छोरा बिहान दाहालको जन्मदिनको उपलक्ष्यमा गौरव दाहालका भाइ पर्वत दाहालले लायन्स क्लव अफ लालबन्दी सिटी मार्फत घारीबथान स्थित राष्ट्रिय जनता प्राथमिक विद्यालयका बिद्यार्थीहरुलाई स्कुल ब्याग  बितरण गरेका हुन।

   उनीहरुले बिहिवार एक कार्यक्रमका बिच लायन्स क्लव ईन्टरनेशनलका जोन चेयर पर्सन राजकुमार न्यौपाने, विद्यालयका प्रधानाध्यापक तथा  शिक्षकहरुको उपथितिमा स्कुल ब्याग बितरण गरेको विद्यालयले जनाएको छ।