९ वर्षीया बालिकालाई जबर्जस्ती करणी गरेको आरोपमा एक २१ वर्षीय युवक पक्राउ

  

लोकतन्त्र समाचारदाता---

सर्लाही,माघ २३

    प्रहरीले सर्लाहीको लालबन्दीबाट  ९ वर्षीया बालिकालाई जबर्जस्ती  करणी गरेको आरोपमा एक २१ वर्षीय युवकलाई पक्राउ गरेको छ ।पक्राउ पर्नेमा लालबन्दी नगरपालिका वडा न-८ बस्ने  सोमबहादुर गोले रहेको प्रहरीले जनाएको छ।

    इलाका प्रहरी कार्यालय लालबन्दीबाट खटिएको प्रहरीले गत १९ गते बुधबार सोही नगरपालिको वडा न-११ बस्ने एक ९ वर्षीया बालिकालाई जबर्जस्ती पक्राउ गरेको आरोपमा गोलेलाई पक्राउ गरेको हो ।

    पक्राउ परेका गोले विरुद्ध सर्लाही जिल्ला अदालत मलंगवाबाट जबर्जस्ती करणी मुद्दामा म्याद थप गराएर थप अनुसन्धान भइरहेको जिल्ला प्रहरी कार्यालय सर्लाहीका प्रहरी प्रवक्ता एवं डिएसपी माघव प्रसाद बुढाथोकीले बताएको छ।