मलंगवा नगरपालिका वडा न-२ पब्लिक स्कुल नजिक झण्डा बजारमा फाल्गुन १७ गते मंगलबार महाशिवरात्रिको दिनदेखि महावीरी झण्डा मेला लाग्ने,मेलको सम्पूर्ण तयारी पुरा

 

मनोज यादव---

सर्लाही,फाल्गुन १५

    धर्म, कला संस्कृतिको जगेर्ना, मनोरञ्जन तथा आन्तरिक व्यापार व्यवसायलाई प्रवर्द्धन गर्ने उद्देश्यले सर्लाहीको सदरमुकाम मलंगवा नगरपालिका वडा न-२  पब्लिक स्कुल स्थित झण्डा बजारमा भब्य महावीरी झण्डा मेला महोत्सवको आयोजना हुन गइरहेको छ। फाल्गुन १७ गतेदेखि आयोजना हुने उक्त झण्डा मेला महोत्सवको सम्पूर्ण तयारी पूरा भइसकेको आयोजक मेला समितिका अध्यक्ष भोला साह सोनारले जानकारी दिएको छ।

   विगत लामो समयको अन्तराल पछि आयोजना हुन गइरहेको यो मेला यही फाल्गुन १७ गतेदेखि फाल्गुन २५  गतेसम्म चल्ने अध्यक्ष साहले जनाएको छ ।

    यस मेला महोत्सवमा बाघवाला रथमा सवार राम,सीता र लक्षमणको मुर्तिसहितको बजरंगबलीको प्रतीक कलात्मक १५ खण्डको झण्डा दर्शनकालागि राखिएको छ ।त्यसैगरी मेलामा स्थानीय स्तरमा उत्पादन भएका कृषि तथा भौतिक सामाग्रीको बिक्री तथा प्रदर्शनको साथै सांस्कृतिक कार्यक्रम, स्वास्थ्य शिविर, मनोरञ्जनका लागिविभिन्न खेल तमासा,सर्कसको व्यवस्था गरिएको छ।

  मेला हेर्न आउने दर्शनार्थीहरुको सुरक्षालाई ध्यानमा राखेर स्थानीय प्रशासनको तर्फबाट चौबीसै घण्टा सुरक्षाकर्मी र ठुलो संख्यामा मेला समितिका स्वयंसेवकहरु परिचालन गरिने मेला समितिले जनाएको छ।