मलंगवा अस्पतालमा पाठेघर खस्ने समस्याको नि:शुल्क शल्यक्रिया शिविर सुरु
लोकतन्त्र समाचारदाता---
सर्लाही,फाल्गुन ७
सर्लाही जिल्लाको सदरमुकाम मलंगवा स्थित प्रादेशिक अस्पतालमा पाठेघर झर्ने समस्याबाट पिडित महिलाहरुको लागि नि:शुल्क शल्यक्रिया शिविर सुरु भएको छ ।
मधेश प्रदेश सरकारको सामाजिक विकास मन्त्रालय अन्तर्गत स्वास्थ्य निर्देशनालय सपही,धनुषा र मलंगवा अस्पतालको आयोजनामा महिलाको पाठेघर खस्ने समस्या सम्बन्धी ७ दिने निःशुल्क शिविर शुक्रवारदेखि मलंगवामा सुरु भएको हो ।
प्रादेशिक अस्पताल जनकपुरका स्त्रीरोग बिशेषज्ञ डा.धिरेन्द्र कुमार साहको नेतृत्वमा आएका मलंगवा अस्पतालका डा.गौतम झासहितको १० जना चिकित्सकहरुको टोलीले फागुन १२ गतेसम्म शिविर संचालन गर्ने अस्पतालका मेडिकल सुपरिटेन्डेन्ट नवल किशोर झाले जानकारी दिए ।
उक्त शिविरको शुक्रवार एक कार्यक्रमका बिच मधेश प्रदेश सरकारका सामाजिक विकास मन्त्री नवल किशोर साहले उद्घाटन गर्नु भएको थियो।
शिविरबाट १०० जना महिलाहरुलाई सेवा दिने लक्ष्य रहेको अस्पतालले बताएको छ।
No comments:
Post a Comment