लैंगिक,बाल र अपाङ्गता उत्तरदायी शिक्षण विधि सम्बन्धि २ दिने तालिम मलंगवामा सम्पन्न

   

 

लोकतन्त्र समाचारदाता---

सर्लाही,फाल्गुन १३

   शिक्षकहरुको लागि लैंगिक,बाल र अपाङ्गता उत्तरदायी शिक्षण विधि सम्बन्धि दुई दिने तालिम सर्लाहीको मलंगवामा सम्पन्न भएको छ ।

   प्रेरणा,एच.आइ तथा भि.एस.ओ को संयुक्त आयोजनामा विहीबारदेखि मलंगवा स्थित होटल महेन्द्रमा सुरु भएको उक्त तालिम शुक्रवार सम्पन्न भएको छ । किशोरी सशक्तिकरणकालागि शिक्षा कार्यक्रम (ईंगेज् प्रोजेक्ट) अन्तर्गत जिल्लाको मलंगवा नगरपालिका र कौडेना गाउँपालिका अन्तर्गतका ११ वटा सामुदायिक विद्यालयका  नेपाली र सामाजिक शिक्षा विषय पढाउने शिक्षक तथा शिक्षिकाहरुलाई बालमैत्री,अपाङ्गता मैत्री र लैंगिक उत्तरदायी भएर विद्यालयमा कसरी  शिक्षण सिकाइ गर्न सकिन्छ भन्ने  जानकारी गराउने उद्देश्यले तालिम संचालन गरिएको प्रेरणाका परियोजना संयोजक रामचन्द्र चौधरीले जानकारी दिए । 

   तालिममा मलंगवा नपा र कौडेना गापा अन्तर्गत ११ वटा विद्यालयका २२ जना शिक्षक शिक्षिकाहरु तथा हरिपुर नपामा रहेका दृष्टि विहिन सम्बन्धि श्रोत विद्यालयका एकजना दृष्टिविहीन  श्रोत शिक्षकको सहभागी रहेको थियो। उनीहरुहरुलाई फ्युचर नेपालका नवराज थापा र सुजा राईले प्रशिक्षण दिएको भिएसओ का जिल्ला परियोजना अधिकृत राजन कुमार कर्णले जानकारी दिए।

    तालिममा प्रशिक्षार्थीहरुसहित आयोजक संस्थाहरु प्रेरणा र भिएसओ का कर्मचारीहरुको पनि सहभागीता रहेको थियो। यस तालिमलाई विशेष रुपमा शहरीकरण गर्न  भिएसओ नेपालकी कमला उप्रेती समेत काठमाडौबाट आउनुभएको थियो।