कुटपिट मुद्दाका फरार दम्पती पक्राउ

लोकतन्त्र समाचारदाता---

सर्लाही,फाल्गुन १४

    प्रहरीले सर्लाहीको बागमतीबाट  कुटपिट मुद्दाका फरार एक प्रतिवादी दम्पतीलाई  पक्राउ गरेको छ ।

   सर्लाही जिल्ला अदालत मलंगवा 

 बाट जरिवानाको फैसला सुनाइएका बागमती  नगरपालिका वडा न-२ का ४० वर्षीय बिजय चौधरी र निजकी श्रीमती वर्ष ३५ की सुनिता देवी चौधरीलाई पक्राउ गरिएको जिल्ला प्रहरी कार्यालय सर्लाहीका प्रवक्ता एवं प्रहरी निरीक्षक जटाशंकर यादवले जानकारी दिए ।

    इलाका प्रहरी कार्यालय हरिवनबाट खटिएको प्रहरी टोलीले  उनीहरुलाई शुक्रवार बिहान १० बजे बागमती नपा-२ स्थित आफ्नै घरबाट पक्राउ गरि नियमअनुसारको जरिवाना असुल उपर गर्न जिल्ला अदालत मलंगवामा पेश गरिएको प्रनी यादवले बताए ।