भन्सार छलेर ल्याएको सामान प्रहरीको नियन्त्रणमा

लोकतन्त्र समाचारदाता---

सर्लाही,फाल्गुन १६

    प्रहरीको गस्ती टोलीले नेपाल- भारत सिमा क्षेत्रबाट भन्सार छलेर नेपाल ल्याउँदै गरेको ४० हजार रुपैयाँ बराबरको समान बरामद गरेको छ ।

   गस्तीमा रहेको प्रहरी टोलीले आइतवार राति ९ बजेको समयमा दुईवटा साइकलमा राखेर भन्सार छली अवैध रुपमा नेपाल भित्र्याई रहेको ४० हजार रुपैयाँ मुल्य बराबरको १ बोरा चिनी,२९ पिस साडी र २ बोरा चप्पल बरामद गरेको हो ।सामान ल्याउने ब्यक्तिहरु प्रहरीलाई देख्ने बित्तिकै सामान छाडेर साईकल लिएर फरार भएको र उक्त सामानहरु प्रहरीले नियन्त्रणमा लिएर प्रहरी चौकीमा राखेको जिल्ला प्रहरी कार्यालय सर्लाहीले जानकारी दिए।