सर्लाहीमा भारतीय कार दुर्घटना,१ को मृत्यु ७ जना घाइते

 

लोकतन्त्र समाचारदाता---

सर्लाही,असार ५

      सर्लाहीमा भारतीय नम्बरको कार दुर्घटना हुँदा १जना बालकको घटनास्थलमा मृत्यु भएको छ भने ७ जना घाइते भएका छन् । 

     जिल्ला प्रहरी कार्यालय सर्लाहीका अनुसार शनिवार राति धनकौल गाउँपालिका(पछियारी)वडा न-५ स्थित छठीघाट पुलमा छतौनाबाट छठियारको(छैठी)भोज खाएर रौतहटको वृन्दावन हरैयातर्फ फर्किदै गरेको चालकसहित ९ जना यात्रु सवारBR 05A R 5137 नम्बरको टाटा कम्पनीको कार आफै अनियन्त्रित भएर छठी घाट पुलबाट १५ फिट तल खसेर दुर्घटना हुँदा रौतहटको वृन्दावन नपा वडा न-४ बस्ने शुभलाल यादवको छोरा अन्दाजी वर्ष ४ को गम्भीर यादवको घटनास्थलमा मृत्यु भएको छ भने ७ जना घाइते भएका छन् ।

   घाइतेहरु सबै जनाको बरहथवा स्थित एडभान्स संजिवनी अस्पतालमा उपचार भइरहेको छ।

   दुर्घटनाको सम्बन्धमा अनुसंधान भइरहेको छ।दुर्घटना भए लगत्तै फरार भएको प्रहरी प्रवक्ता एवं डिएसपी माधव प्रसाद बुढाथोकीले जनाएको छ।