ब्रम्प्टन इन्टरनेसनल युनिभर्सिटी क्यानेडा द्वारा सर्लाही निवासी हेटौंडाका प्राधानाध्यापक बिरवंस बैठलाई सम्मानार्थ पीएचडी प्रमाण पत्र प्रदान

 

लोकतन्त्र समाचारदाता---

सर्लाही,असार १५ 

   सर्लाही जिल्लाको सदरमुकाम मलंगवा नगरपालिका वडा न-५ घरभई हाल मकवानपुर जिल्लाको हेटौंडा स्थित आधुनिक राष्ट्रिय मा.वि को  प्रधानाध्यापक पदमा रहनु भएका बिरवंश बैठालाई हालै सम्मानार्थ पीएचडी प्रमाण पत्र प्रदान गरिएको छ।

   एउटा विद्यालयको प्रअ जस्तो गरिमामय पदमा रहेर सामाजिक सेवामा विशेष योगदान पुर्याएकोले उहाँलाई  २६ जुन ,२०२२ मा ब्रम्प्टन इन्टरनेसनल युनिभर्सिटी क्यानेडाले  सम्मानार्थ पीएचडी उपाधि प्रदान गरेको हो । यो उपाधी बिशेष व्यक्तित्वहरुलाई मात्र प्रदान गर्ने गरिएको जनाइएको छ ।उनले अब आफ्नो पदको अगाडी पीएचडी लेख्न पाउने भएका छन् । 

    उहाँको  मकवानपुर जिल्लामा माध्यमिक तहमा प्रथम श्रेणीमा बढुवा पनि भएको जनाइएको छ।

   पीएचडी बैठाले यसअघि पनि कयौं उपाधी तथा सम्मानहरु पाइसक्नु भएको छ।उहाँले यो उपाधी पाएको जानकारी पाएपछि अहिले उहाँको गृह नगर मलंगवा नपा-५ भाँडसरमा खुसियालीको माहोल छाएको छ।