स्रोत नखुलेको साढे सात लाख रुपैयाँ सहित एक भारतीय नागरिक पक्राउ

 

लोकतन्त्र समाचारदाता---

सर्लाही,जेठ २३ गते ।

   स्रोत नखुलेको अवेध रकमसहित एक भारतीय युवक त्रिभुवननगरबाट पक्राउ परेको छ।

    पक्राउ पर्नेमा भारत विहारको सितामढी जिल्ला ग्राम सोनवर्षा वडा न-२ बस्ने शिवधारी महतोको अन्दाजी ४० वर्षीय छोरा विश्वनाथ महतो रहेको छ। निजलाई ब्रह्मपुरी गाउँपालिका वडा न-४ त्रिभुवननगर स्थित भारतको सोनवर्षाबाट BR 30 E 3914 नम्बरको मोटरसाइकलमा आउँदै गरेको अवस्थामा डिउटीमा रहेको प्रहरीलाई शंका लागेर चेकजाँच गर्दा मोटरसाइकलको सिटमुनी रहेको ब्याट्रीको बक्स भित्रबाट श्रोत नखुलेको  ७ लाख ५० हजार ने.रु बरामद भएको जिल्ला प्रहरी कार्यालय सर्लाहीला प्रवक्ता एवं डिएसपी विजय यादवले जनाएको छ।

     महतोलाई  अवैध रकमसहित नियन्त्रणमा लिएर आवश्यक अनुसंधान सुरु गरिसकेको प्रहरीले जनाएको छ।