सर्लाहीमा अर्का एकजनालाई कोरोना भाईरस (कोभिड–१९) पोजेटिभ देखिएको छ । यो सँगै सर्लाहीमा कोरोना भाईरस संक्रमितको संख्या दुई पुगेको छ ।
मंगलबार जिल्लाको हरिपूर्वा नगरपालिका वडा न-३, पुर्वी धनकौलका ४५ वर्षीय एकजना पुरुषको पीसीआर पोजेटिभ आएको प्रमुख जिल्ला अधिकारी मोहनबहादुर जिसीले जानकारी दिए । ‘पहिला जनकपुरमा गरिएको परीक्षणमा नेगेटिभ देखिएपछि उनलाई छाडिएको थियो’, प्रजिअ जिसीले भने, ‘तर टेकुमा पठाईएको स्वाब परीक्षण भने पोजेटिभ आएको छ ।’
प्रजिअ जिसी, प्रहरी उपरीक्षक विश्वमणि पोखरेल, सशस्त्र प्रहरी उपरीक्षक गंगाराम श्रेष्ठ लगायतका सुरक्षा प्रमुख तथा स्वास्थ्कर्मीहरुको टोली पुर्वी धनकौल गाउँ पुगेर उनलाई जनकपुरतर्फ पठाएको छ ।संक्रमित पुरुष ‘मानसिक रोगी भएकाले निजलाई प्रादेशिक अस्पताल जनकपुर पठाउन निकै समस्या समस्या परेको ’, प्रजिअ जिसीले भने ।
संक्रमित पुरुष मानसिक रोगका बिरामी भएकाले उनी विभिन्न ठाउँमा डुल्दै हिड्ने गरेकाले कोरोना भाईरस संक्रमणको जोखिम बढेको प्रजिअ जिसीले बताए । उनी केही दिन पहिले आईसोलेसनबाट भागेको बताईएको छ । भारत लगायत विदेश कतै नगएका उनी जनकपुर लगायत विभिन्न स्थानमा नमाज पढ्ने क्रममा संक्रमित भएको हुन सक्ने सुरक्षा श्रोतको अनुमान छ ।
यसअघि जिल्लाको पश्चिम क्षेत्रमा पर्ने धनकौल गाउँपालिका वडा न-५ स्थित हरकठवा गाउँका १४ वर्षीय किशोरमा कोरोना भाईरस पोजेटिभ देखिएको थियो ।
No comments:
Post a Comment