भारतबाट अवैध रुपमा ट्रकमा लुकाएर नेपाल ल्याउँदै गरेको १७ लाख ९० हजार रुपैयाँ सहित दुई जना भारतीय नागरिक पक्राउ परेका छन् । भारतबाट धान बोकेर आइरहेको भारतीय ट्रकलाई मलंगवा स्थित सर्लाही भन्सार कार्यालय नजिकैको चेकपोष्टमा बिआर३० जि ए २४५८ नम्बरको भारतीय ट्रकलाई सशस्त्र प्रहरी बल नेपाल जिल्ला सुरक्षा वेस क्याम्प मलंगवाको टोलीले रोकेर चेक जाँच गर्ने क्रममा उक्त रकम बरामद भएको सशस्त्र प्रहरी निरिक्षक संजित सिंहले जनाएको छ ।
सशस्त्र प्रहरी निरिक्षक सिंहका अनुसार भारतको बिहार राज्यको सितामढी जिल्लाको मुजेलियाबाट धान बोकेर नेपाल आउँदै गरेको ट्रकको केविनबाट १७ लाख ९० हजार नेपाली रुपैयाँ बरामद भएको हो । ट्रकका चालक राम ललित मण्डल र सह चालक निरज कुमारलाई नियन्त्रणमा लिएको उहाँले बताउनुभयो । दुवै जना भारतीय नागरिक रहेको सशस्त्र प्रहरी निरीक्षक सिंह जानकारी दिनुभयो ।
उक्त ट्रक धान लिएर सर्लाहीको ईश्वरपुर नगरपालिका जान लागेको सशस्त्र प्रहरी बेस क्याम्प मलंगवाले जनाएको छ । बरामद रकम हुुण्डी कारोवारीको हुुन सक्ने सशस्त्र प्रहरीको अनुुमान छ । बरामद रकम सर्लाही भन्सार कार्यालय मलंगवमा बुझाइएको छ ।
No comments:
Post a Comment