सर्लाही ,बैशाख २७
सुनचाँदी व्यवसायी संघ सर्लाहीले सुनचाँदी व्यवसायमा आबद्ध कालिगढहरुलाई राहत वितरण गरेको छ।
नेपाल सुनचाँदी व्यवसायी महासंघ र सुनचाँदी व्यवसायी संघ सर्लाहीको सहकार्यमा मलंगवा , गम्हरिया, गोडैता र कौडेनाका सय जना कालिगढहरुलाई प्रति ब्यक्ति १५ किलो चामल, ५ किलो पिठो , २ किलो आलु , १ किलो प्याज ,१ किलो नुन ,१ लिटर सनफ्लावर तेल , १ पिस नुहाउने साबुन र आधा किलो सर्फ, लगायतका खाद्यान्न सामग्री वितरण गरिएको नेपाल सुनचाँदी व्यवसायी महासंघ प्रदेश न-२ का कार्यसमिति सदस्य तथा सुनचाँदी व्यवसायी संघ मलंगवा सर्लाही का महासचिव कमलेश शाहले बताए।
कोरोना भाइरसको संक्रमणका कारण सरकारले घोषणा गरेको लकडाउन पालना गर्ने क्रममा रोजगारको सिलसिलामा टाढा टाढावाट आएका र आआफ्नो घर जान नपाइ समस्यामा परेका कालिगढहरुलाई मध्यनजर गर्दै राहत वितरण गरिएको संघका महासचिव साहले बताए।
राहत वितरण गर्ने क्रममा सोसल डिस्टेन्सिङ्ग (सामाजिक दुरी)लाई विशेष ध्यानमा राखिएको साहले बताउनुभयो ।
No comments:
Post a Comment