सर्लाही ,जेष्ठ २७ ।
सलार्हीको गोडैता नगरपालिका अन्तर्गतका क्वारेइन्टाइनमा रहेका १ सय ५१ जना ब्यक्तिहरुको कोभिड-१९ को पिसिआर रिपोर्ट नेगेटिभ आएपछि शुभकामना दिंदै अबिर लगाएर डिस्चार्ज गरिएको छ।
नेपाल भारत सिमा नजिक पर्ने गोडैता नगरपालिकाका ९ वटा क्वारेन्टाइनमा रहेका २०५ जना ब्यक्तिहरु मध्ये १५१ जनाको कोरोना भाइरस(कोभिड-१९) परिक्षण रिपोर्ट नेगेटिभ आएपछि एकहप्ता घरमै होम क्वारेनटिन भएर बस्न भनी निर्देशन दिएर उनीहरूलाई सामुहिक रुपमा अबिर लगाएर घर पठाइएको स्वास्थ शाखा प्रमुख प्रमोद पंडित ले बताउनुभएको छ ।घर पठाइएका सबैजनाको अभिभावक सँग एकहप्ता घरमै बस्ने सर्तनामामा हस्ताक्षर गराएर जिम्मा लगाएको स्वास्थ्य शाखा प्रमुख पंडितले लोकतन्त्रलाई जनाएको छ ।
उनीहरूको गएको जेष्ठ १६ गते स्वाब संकलन गरि पिसिआर टेस्टका लागि राष्ट्रिय जनस्वास्थ प्रयोगशाला, टेकु काठमाडौं पठाइएको थियो।
No comments:
Post a Comment