हरिपुर नगरपालिकाको एकाउन्टेन्ट अख्तियारको फन्दामा

लोकतन्त्र समाचारदाता----
सर्लाही ,असाढ १२
     सेवाग्राही सँग ४ हजार रुपैया घुस मागेको आरोपमा  सर्लाहीको हरिपुर नगरपालिकाका लेखा अधिकृत र लेखापाललाई  अख्तियारले घुस रकम सहित नियन्त्रणमा लिएको छ । पक्राउ पर्नेमा हरिपुर न.पा का लेखा अधिकृत भूपेन्द्र कुमार सिंह र लेखापाल रञ्जित कुमार राय यादव रहेको जिल्ला प्रहरी कार्यालय सर्लाहीले जनाएको छ ।
     उनीहरूलाई सेवाग्राहीलाई भुक्तानी दिँदा  कमिसन मागेको आरोपमा अख्तियार दुरुपयोग अनुसन्धान आयोग बर्दिवास स्थित कार्यालयबाट खटिएको टोलीले चार हजार नगद रुपैयाँ सहित  पक्राउ गरेको प्रहरीले जनाएको छ ।  उनीहरुलाई नगरपालिका कार्यालयबाटै आयोगको कार्यालय बर्दिवास लगि  आवश्यक कारवाहीका लागि बुधबार आयोगको केन्द्रीय कार्यालय टङ्गाल पठाएको जनाइसकेको छ ।