रुखको हाँगाले च्यापिएर एक महिलाको मृत्यु, एक घाईते

लोकतन्त्र समाचारदाता-----
सर्लाही ,असाढ ८
      सर्लाहीको ब्रम्हपुरी गाउँपालिका वडा न–६, नोकेल्वामा टिपरको ठक्करबाट  रुखको हाँगा भाँच्चिएर  छाहारीमा बसिरहेकी  भएकी एक महिलाको चेपिएर  मृत्यु भएको छ भने सोही  घटनामा अर्की एक महिला गम्भीर भएकी छिन् ।
    आइतवार दिउँसो ना ४ ख ५४४८ नं. को संजना कन्स्ट्रक्सनको टिपरले सडकमा ग्राबेल झारेर  हाइड्रोलिक डाउन गर्ने क्रममा छेउमा रहेको  पिपलको रुखमा लागेर  हाँगा  भाँचिए त्यसमा किचेर  स्थानीय  स्थानीय देवन साह कानुकी  ४५ वर्षीया श्रीमती  कैलासिय देवीको घटनास्थलमै मृत्यु भएको र निज सँगै बसेकी गनौर यादवकी ४० वर्षिया श्रीमती प्रमिला देवी गम्भीर घाइते भएको जिल्ला प्रहरी कार्यालय सर्लाहीका प्रहरी प्रवक्ता एवं डिएसपी मदन कुवँरले जनाएको छ । गम्भीर घाईते भएकी प्रमिला देवीको जिल्ला अस्पताल मलंगवामा प्राथमिक उपचार गरि थप उपचारका लागि बिरगंज लगिएको छ ।  टिपर र त्यसका चालकलाई  नियन्त्रणमा लिएर आवश्यक अनुसंधान भइरहेको डिएसपी कुवँरले बताउनुभएको छ ।